貨運百科

此文章來自奇摩知識+如有不便請留言告知

標題:

相機入手一問,不知買那部好

發問:

本人現想入手2部相機, 1部天涯機及1部D-SLR,天涯機心水有Panasonic的DMC-FZ100及Canon的PowerShot SX30IS.而D-SLR原本是想買Canon的EOS 550D的, 但現在看到Canon的EOS 60D及Nikon的D7000又好像好吸引,真的不知買那部好.如有其他更好選擇, 也請介紹一下, 謝謝.另如買了天涯機, D-SLR的鏡頭是否只買18-135/18-105的就夠用?還是只買1部D-SLR+增距鏡就夠?註: 本人只是用開DC, 沒用過D-SLR的. 更新: 其實現在最急需是先買一部影長距的機, 應該會買Canon的PowerShot SX30IS. 之後才買回一部中階D-SLR, 不過未決定買那一部, 但想問下鏡頭如果是18-55, 18-135及18-200, 如果都是用55的距離來影, 出來的效果是否一樣? 另買相機想又平又有保障(不想買到次貨/壞貨)要去那裡買好?我只知道永成/萬成. 更新 2: 其實我係預去旅行用, 因為怕有時去看表演的話會太遠, 所以先想要長距機, 另我不會怎去影夜景的, 所以我想應該夠用. 另外我沒有聽過DC Fever(因本人孤陋寡聞)...這間會不會騙人的? 有沒有保證?轉頭去格下價先~ 不過不論怎樣, 也謝謝Philip師兄你的指導~

最佳解答:

天涯機的好處就係平之餘夠輕便.不過咁抵你有冇覺得好奇怪?做乜仲有人咁老襯要買DSLR加大炮鏡頭去影遠嘢,又貴又重,真係攞苦來辛,大部份人認為DSLR會影得靚啲.天涯機影得冇咁靚.實情就係天涯機唔係影得冇咁靚咁簡單,係好多情況都幾乎影唔到.天涯機其實核心就係一部DC仔,只不過係可以zoom遠啲同埋多啲手動控制.感光完件細,高感光度雜訊控制差,鏡頭光圈細,對焦慢.日光日白主體又唔多郁仲可以.低光環境例如演唱會,追星等就算你用腳架都係多數乜都影唔到.所以用佢來補DSLR既長焦部份係非常不實際的.如果長焦都搞得掂,咁仲何必買DSLR?天涯機一樣有廣角部份.你用過DC其實都感受到,一低光再zoom遠啲相多數唔要得,更何況天涯機zoom到咁遠.DSLR方面550D係入門機,60D或者D7000係中階機,佢地最大分別係中階機既對焦同連拍會較好.對動態題材把握能力較好,如果預算許可,當然係買中階機比較好.但也並不代表低階機就一定影唔到,只不過成功率會較低.另外DSLR既鏡頭點先叫做夠用係好視乎你要點乜的.否則原廠唔會幾十支鏡頭俾你選擇.18-105或者18-135只係啲好基本既一般用途鏡頭.主要都係影下生活相,風景等.由於光圈細,再加增距光圈會更細,好大機會冇咗自動對焦(就算有都會好慢).而且畫質會下降到不能接受地步.原廠增距多數用唔到,只可以用啲副廠例如Kenko.又係嗰句,啲長焦鏡頭又貴又重.如果只係用個平平增距就做到相同效果,咁長焦鏡頭就冇人會買.我建議你唔好咁心急一定要買齊,因為用鏡頭習慣個個人都好唔同,有人唔怕重,唔怕貴,唔怕換鏡麻煩,最緊要影得好,有人最緊要方便.只想point and shoot,可以接受有啲嘢影唔到或者影得冇咁好.你唔真正用過一排你係唔知自己係邊種的.所以買最基本既18-105或者18-135,甚至再平啲既18-55都可以. 2011-01-29 07:55:47 補充： 你可唔可以講下你急於用部長距機來影乜?之前已經講過,呢類長距機既長焦距係好難用的(其實對DSLR都好大挑戰).如果又係就來有演唱會之類要影咁你可以慳翻,實影得好差. 與其乜都影唔到,不如將啲錢即刻買550D加支Canon 100-400mm F4.5-5.6 IS USM,等效焦距有640mm,長過FZ100,影得比較有把握.嫌貴可以買Sigma 150-500mm. 18-55, 18-135同埋18-200三支鏡頭光學質素係有分別的. 以下網頁有三支鏡頭既測試 http://www.photozone.de/Reviews/overview 2011-01-29 07:55:59 補充： 在55mm焦距時18-135解像力比較好,18-55都差唔多,但18-200邊位明顯差過前兩支. 但用得比較多既廣角18mm反而係18-55mm最好,18-135邊位差啲,18-200邊位直情插水.其他表現你可以自己慢慢睇,不過個網既總評分係18-55好過18-135好過18-200. 鏡頭表現一般都係越高倍變焦就越差的.所以專業攝影師一般都唔用高倍變焦鏡的.(更何況係長炮機嗰啲平價鏡頭).咁係咪話買18-55就最好呢?18-55咁平,佢只係用膠接環,前組鏡片對焦時又會轉,不利用CPL.你要冇所謂至好買. 永成,萬成都幾好呀.你可以考慮埋DC Fever啦.

其他解答:6A560DB68EC65D60