此文章來自奇摩知識+如有不便請留言告知
標題:
屯門市中心郵局點去？
發問:
我想問屯門市中心郵局點去？ 詳細d唔該..... 我要由長沙灣去屯門市中心點去？ 同埋個郵局係邊？ 塔mtr定bus較快？
最佳解答:
其實應該搭巴士較快的，唔洗轉，而且便宜一點 你係長沙灣道長沙灣遊樂場站、長沙灣道長沙灣興華街站、長沙灣道荔枝角鐵路站選搭 九巴路線５８Ｘ號良景←→旺角（東） 九巴路線６０Ｘ號屯門市中心←→佐敦匯翔道 九巴路線６７Ｘ號兆康←→旺角（東） 空調巴士全程收費為$11.3 （即日回程平均一程$10.75） 最近係九巴路線６７Ｘ號，最密係九巴路線５８Ｘ號，九巴路線６０Ｘ號因為經安定所以最慢 九巴路線６７Ｘ號：屯門官立中學站下車，沿車尾方向行，入去柏麗廣場，穿過柏麗廣場轉去圖書館，郵局係圖書館後面 九巴路線６０Ｘ號：屯門市中心巴士總站五號車坑（52X/61X中間）下車，上樓梯，行去屯門大會堂，再直行便到 九巴路線５８Ｘ號：屯門市廣場下車，入去屯門市廣場，搭扶手電梯上去，過屯門市廣場南翼，出平台，行去屯門大會堂，再直行便到 以上巴士路線大約三十五分鐘便到 _____________________________ 如果想便宜一點，可以於長沙灣道改搭以下路線，不過一架經深井，一架經荃灣葵涌（而且班次疏） 九巴路線５２Ｘ號屯門市中心←→深水埗欽州街 空調巴士全程收費為$10.0（即日回程平均一程$9.5） 九巴路線６６號大興←→深水埗欽州街 非空調巴士全程收費為$7.7；空調巴士全程收費為$10.7 荔枝角鐵路站分段：非空調巴士收$7.1；空調巴士收$9.8 九巴路線５２Ｘ號：屯門市中心巴士總站四號車坑（60M/60X中間）下車，上樓梯，行去屯門大會堂，再直行便到 九巴路線６６號：屯門公園下車，向後行到市中心輕鐵站四號月台，上樓梯，直行去屯門大會堂，再直行便到 _______________________________- 如果唔介意轉車同埋需時好耐，仲可以以同一張八達通卡選搭 九巴路線３３Ａ旺角(柏景灣)←→荃灣如心廣場 九巴路線３７號葵盛中←→奧運站 於葵芳智芳街以同一張八達通卡轉搭 九巴路線６１Ｍ號友愛南←→荔景北 屯門官立中學站下車（方向與67X相反），落樓梯，穿過行人隧道，上樓梯（右面）便到 扣除轉乘優惠後，長沙灣往屯門市中心，如33A/37為非空調巴士總計$7.9；如33A為空調巴士總計$9.0；如37為空調巴士總計$9.2 扣除轉乘優惠後，屯門市中心往長沙灣，如33A/37為非空調巴士總計$8.6；如33A為空調巴士總計$9.7；如37為空調巴士總計$9.2 ____________________________- 另外，還有單向轉乘優惠，長沙灣往屯門便先搭 九巴路線２３４Ｘ號灣景花園←→尖沙咀東(麼地道) 荃景圍以同一張八達通卡轉搭 九巴路線６０Ｍ號屯門市中心←→荃灣鐵路站 屯門市中心巴士總站三號車坑（260B/52X中間）下車，上樓梯，行去屯門大會堂，再直行便到 扣除轉乘優惠後，總計$9.8（調轉冇優惠，要比多$5.1） 屯門往長沙灣便先搭 九巴路線６０Ｍ號屯門市中心←→荃灣鐵路站 荃景圍以同一張八達通卡轉搭 九巴路線５９Ａ號屯門碼頭←→深水埗(欽州街) 扣除轉乘優惠後，總計$8.6（調轉冇優惠，要比多$8.7） ____________________________________ 如果搭MTR，便由長沙灣站或荔枝角站搭荃灣線去美孚，再轉西鐵線去屯門站 Ｂ出口出，是但搭架輕鐵，搭一個輕鐵站，去市中心輕鐵站三或四號月台，上樓梯，直行去屯門大會堂，再直行便到 不過，咁搭肯定慢過58X/60X/67X，會快過其他較平的方法，但八達通收費都要$13.6 ____________________________________ 題外話：個郵局正在裝修，差不多只有半個郵局在運作
其他解答:CAAD3F79AE16AF09
留言列表
